இது உண்மைக் கதை (1984).  உலக நூல் நாள் சிறப்புப் பதிவு - 20210423

(சந்தர், தரன், ஷண்முகம் - 2019)

20210423

இது உண்மைக் கதை.  உலக நூல் நாள் சிறப்புப் பதிவு. 📔📕📗📘📙📚📖

சூழல்: 1984இல் ஒரு வாரக்கடைசி.  மொபைல் போன்கள் கிடையாது. நண்பர்கள் வீட்டுக்குச் சொல்லிவிட்டுச் செல்வது என்பது பழக்கத்தில் வராத காலம்.

காட்சி 1. தரன் வீடு: தரனின் புது கல்லூரித் தோழன் Chandar சந்தர் வருகிறான்.  இருவரும் காலை உணவு சாப்பிட்டுவிட்டு, சென்னை கிருத்துவக் கல்லூரி நூலகத்துக்குக் கிளம்புகிறார்கள்.

காட்சி 2.  பாதி வழியில், தனது பள்ளித் தோழியான Vaidehi  வைதேகியை சந்தருக்கு அறிமுகப்படுத்த விரும்பியதால், தரனும் சந்தரும் வழியில் இருக்கும் வைதேகி வீட்டை  நோக்கித் திரும்புகிறார்கள்.

காட்சி 3. சந்தரின் வீடு:  சந்தரின் பள்ளித் தோழன் பாலு சந்தரின் வீட்டுக்குப் போகிறான்.  சந்தரின் அம்மா விளக்குகிறார்: சந்தர் அவனது புது கல்லூரித் தோழன் தரன் வீட்டுக்குப் போயிருக்கிறான்.

காட்சி 4. தரன் வீடு: தரனின் பள்ளி - கல்லூரித் தோழன் ஷண்முகம் Shun Mugam தரன் வீட்டுக்கு வருகிறான்.  தரனின் அம்மா விளக்குகிறார்: தரன் அவனது புது கல்லூரித் தோழன் சந்தருடன் சென்னை கிருத்துவக் கல்லூரி நூலகத்துக்குப் போயிருக்கிறான்.

காட்சி 5. ஷண்முகம், சென்னை கிருத்துவக் கல்லூரி நூலகத்துக்குப் போகிறான்.

காட்சி 6. தரன் வீடு:  பாலு தரன் வீட்டுக்கு வருகிறான். தரனின் அம்மா விளக்குகிறார்: தரன் அவனது புது கல்லூரித் தோழன் சந்தருடன் சென்னை கிருத்துவக் கல்லூரி நூலகத்துக்குப் போயிருக்கிறான்.  பாலு தனக்குச் சந்தரைத் தெரியும் என்கிறான்.  தரனின் அம்மா, ஷண்முகம் என்ற தரனின் பள்ளித் தோழனும் வந்ததையும், அவனும் சென்னை கிருத்துவக் கல்லூரி நூலகத்துக்குப் போயிருக்கிறான் என்பதையும் சொல்கிறார்.  பாலு, தனக்கு ஷண்முகத்தைத் தெரியாது, ஆனால் பிரச்சனை இல்லை என்கிறான்.

காட்சி 7. பாலு, சென்னை கிருத்துவக் கல்லூரி நூலகத்துக்குப் போகிறான்.